SU:RA Korean restaurant in jeddah " المطعم الكوري سورا في جدة

السلام عليكم "

وأخيرا هذا أول بوست في مدونتي الجديدة اللي طبعا زي منتو شايفين بتختص بتجربة وتقييم المطاعم ، وممكن وصفات خفيفة بين فترة والثانية ^_* 

أول بوست كان من نصيب المطعم الكوري سورا ^_^ 

مكانه في حي الروضة جنب بلو برجر وبيتزا فيوجن وفريج بن عاقول <<< أكيد عرفتوا المكان ^_^ 

بالنسبة للديكورات فهي كورية 100% وحبيييييتها كيف انيقة ومرتبة 

طبعا الجلسات عندهم نوعين ( أرضية تقليدية - طاولات عادية ) 

إحنا أخترنا الطاولات العادية لأنو الارضية مليانة :( 

أول ماتقعدي يحطولك دي الاشياء 

مناشف مبلولة - شاي جينسنغ - برتقال وتفاح مجففة 

بالنسبة للشاي شخصيا مااقدر احكم على طعمه لأني مااحب الشاي بشكل عام 

لكن هذا ماله طعم تقريبا وأخواتي يقولوا حلو 

وطبعا شي مميز عندهم أنهم حاطين لكم الاطباق التوب أو المميزة والأكثر طلبا عندهم ^_^ 

قبل مايجي طلبك يقدموا هذي الشوربة والسلطة 

مااعرف هي هي من تقاليدهم ولا أيش السالفة بس شخصيا ماحبيت الشوربة ومااستسغتها ابدا بس بابا خلصها كلها ^_^ 

اعتقد من مكوناتها ملفوف وطحالب البحر 

~~~~~~~~~~~~~~~~~~~~~~~~~~~~~~~~~~~

نجي لطلباتنا 

تشول بان داككلبي مع الصوص

شرايح لحم مغطاه بالسمسم وخضار ونودلز زجاجية 

بعد كذا يحطلكم عليها الصوص 

ويخليها تطبخ عشر دقايق 

طبعا هالطبق يكفي شخصين ويجيبوا معاه الاطباق الجانبية الكورية لشخصين .. مااعرف ايش هيا المكونات بالزبط ماعدا الكيمشي والسبانخ وطبعا الرز ..

~~~~~~~~~~~~~~~~~~~~~~~~~

 كمان طلبنا فرايد تشكن 

دجاج مقلي عادي جدا مع حلقات بصل مقلية

بس يمكن العيب الوحيد فيه انو مو متبل كويس 

 وطلبنا سي فود راميون مع رول الكيمباب 

النودلز تحتوي على جمبري وحبار - طعمها لذيذ وتشبه الاندومي حقتنا ^_^ 

وطبعا نفس الشي قدموا معاه الاطباق الجانبية 

بالنسبة للكيمباب احس طعمه قريب من السوشي 

بس عادي جدا طعمه 

وأخيرا بعد ماخلصنا أكل قدموا لنا التحلية من عندهم <<< كرماء كرماء 

كانت عبارة عن فواكة وسينابون 

وشاي بالقرفة 

بالنسبة لخدمتهم أقدر أقول أنها أكثر من جيدة 

أنا شخصيا أحب المطاعم اللي أروحلها وألاقي الموظفين يبتسمون بوجهي ويخدموني بإهتمام 

وهالمطهم من المطاعم اللي أكيد رح أرجعلهم عشان الطاقم حقهم اللي كانوا بشوشين ويبدون اهتماهم 

وأعطونا هدية رمزية تقدم لكل زائر للمطعم 

( اعواد الاكل الكورية ) 

نجي للمهم 

التقييم 

الموقع : 10/10

الديكور : 10/9 

النظافة : 9 /10

الخدمة : 10/10

الاسعار : 10/8 

بالنسبة للمذاق إذا كنتوا من محبين الأكل الاسيوي فأكيد رح تحبونه 

ووووووووبس ^_^